STARTNOW

للتميز عنوان .

 
الرئيسيةStartnowاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 الطالب قال هات الإمتحان وبلاش تلاعبني رد الأستاذ المادة طازة والحال عاجبني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اسير الصمت
النائب العام
النائب العام
avatar

ذكر عدد الرسائل : 309
العمر : 30
العمل/الترفيه : بعدبن هتعرفو
المزاج : متقلب
البلد :
  :
تاريخ التسجيل : 26/09/2008

مُساهمةموضوع: الطالب قال هات الإمتحان وبلاش تلاعبني رد الأستاذ المادة طازة والحال عاجبني   الثلاثاء نوفمبر 11, 2008 7:23 pm



زمان عندما كنا فى المرحلة الإبتدائية والإعدادية كان الأساتذوخصوصا بعد كل إمتحان كانوا يلقون على مسامعنا مجموعة من الجمل مثل ان الغش حرام
واللى بيغش حيروح النار وإن من غشنا فليس منا..ومع افول المرحلة الاعدادية وبداية الثانوية العامة تغير الخطاب الترهيبي بدل من أن الغش حرام أصبح الغش جريمة وان الغشاش حيتحرم من الامتحانات كلها وحيتحول للتحقيق .. والشهد أنه سواء فى التهديد الأول أو الثاني الطلبة لم يكفوا عن الغش .. واصبحت عملية إستغفال المراقب لها متعة ولذة خاصة .. فالمراقب كان بالنسبة للطلبة هو كوز الرخامة المتحركة .. وكان دائما المراقب المتساهل اللى بيترك الطلبة تِطَلع اللى معاها من برشام وخلافه ليلطشوه على ورقة الإجابة كان بالنسبة لهم الفارس والشهم والأب الحنون ومش بعيد كمان بعد الإمتحان يقولوا فيه قصيدة مديح من بتوع المتنبي فى سيف الدولة الحمداني .

وأتذكر وأنا فى الإعدادية كان عندنا إمتحان مادة علوم وكان بيراقب علينا سيدتان حوالى فى الثلاثينات من العمر فى ذلك الوقت ..وكانت كل واحدة منهم عاوزه تغشش الطلبة لكن خايفة من زميلتها .. وبمجرد خروج واحدة منهم إلى خارج اللجنة علشان تعمل حاجه معينة أسرعت المراقبة الثانية لنا وقالت يله بسرعة اللى مش عارف حاجه يسأل اللى جمبه .. وبمجرد رجوع المراقبة الأولى إلى داخل اللجنة كان كل شىء على ما يرام ..بعدين حصل إن المراقبة اللى غششتنا خرجت بره اللجنة لنفاجأ بموقف طريف إن المراقبة زميلتها بتقولنا خلصوا نفسكم بسرعة قبل ما ترجع .. وهنا ضجت اللجنة بالضحك .. وده من المواقف الطريفة اللى الإنسان لا يمكن إنه ينساها .

وهناك مراقبين كانوا أخر رخامة حتى وصل بهم الحال أنهم مكنوش بيتسامحوا مع الطالب اللى بيتم ضبطه بالممنوعات الدراسية .. وفى كتير من المرات ايام الجامعة حصل فيها حاجات زى دي وتم طرد طلبة إتمسكوا فى وضع الغش بعد عشر دقائق من بدء الامتحان ..فالعلاقة بين الطالب والمراقب هى علاقة أكون أو لا اكون .. ولو سألت مجموعة من الطلاب أنت شايف مين اللى على حق المراقب ولا الطالب ..حتلاقى إجابات متنوعة وحتلاقى اللى حيمسك العصاية من النص ويقولك الاتنين على حق .

فالمراقب شايف إن الغش حرام وده لو كان ملتزم وينظر للموضوع من الجانب الديني ...وجايز ينظر للموضوع من ناحية تانية وخايف على نفسه من الخصومات والجزاءات لو إنكشف وهو سايب الطلبة بيخمسوا فى الاجابات مع بعض ..أما الطالب فشايف إن ده حقه وإن التعليم فاشل وإنه إتظلم تعليميا فى فصل به 40 طالب أو جامعة أحدث جهاز فيها يعود لعام 1950م .. ويرى الطالب كمان إنه أحيانا واضع الأسئلة متعمد إنه يضيعهم ويخليه إمتحان إسود ومهبب على دماغهم .. وأوضح مثال على كده إن بعض الأساتذة فى الكليات بيلعبوا مع الطلبة شغل حلمبوحة ... يعنى لما استاذ يقول فى المحاضرة إن الجزء الفلاني مش جاى فى الامتحان ويدخل الطلبة الامتحان يلاقوا أسئلة هذا الجزء ملطوعة فى ورقة الأسئلة .. أكيد هيحصل إهتزاز وعدم ثقة فى كلام أى أستاذ بعد كده ويدفع الطلبة إنها تغش ... ممكن تقول إن الطلبة تروح تشتكى .. لكن ده لو انت مثلا فى امريكا .. لكن عندنا فى بلداننا العربية ( الشكوى لغير الله مذلة ) ..وجايز تطلع انت كمان اللى غلطان ويشيلوك المادة او تتحول لمجلس تأديب .. فلو قولت للأستاذ بلاش تلاعبنى حيقولك يا بنى المادة طازة والحال عاجبني ..

وده سبب أن الطلبة لا تستجيب لأى تهديد بتحقيقات أو غيره فى حالة ضبطه متلبسا بالغش لإنهم ببساطة شايفين ان ده حقهم من وجهة نظرهم ، وشايفين إن الطالب منهم اللى بيقع فى إيد المراقب هو من الأبطال الأبرار وده حتلاحظه فى كم العيون الساخطة على المراقب وهو ماسك الطالب اللى وقع أسيرا فى معركة الغش الحامية..أما الوعيد الدينى برده مش بيؤثر فى الطلاب لان الالتزام الدينى غائب عن المجتمع ككل وشريحة كبيرة من الناس -مش بس الطلاب- مش بيصلوا ..يبأه ازاى حنتوقع ان الوعيد الدينى يجيب معاهم مفعول ..أنا لا أوافق على غش الطلبة لأن الغش بشكل عام حرام .. وفى نفس الوقت لا اوافق على كل الظروف المحيطة بهم .. أصلحوا الظروف دي من تعليم وفساد أخلاق وأوضاع إجتماعية سيئة .. وهنا سوف تنتهى ظاهرة الغش بشكل عام مش بس الغش فى الامتحانات .


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حوكا
مبدع جديد
مبدع جديد
avatar

ذكر عدد الرسائل : 32
العمر : 28
العمل/الترفيه : كره القدم
المزاج : مشاهده الكرهوخاصه الأهلى
البلد :
  :
تاريخ التسجيل : 02/06/2008

مُساهمةموضوع: رد: الطالب قال هات الإمتحان وبلاش تلاعبني رد الأستاذ المادة طازة والحال عاجبني   الأربعاء نوفمبر 12, 2008 11:03 am

ههههههههههههههههه

بس الغش في الزمن ده مش حرام
اصل في طلبه بتموت علشان مش قدرين يخلصو كتاب واحد في المنهج
ربنا يكون في عونهم
...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسير الصمت
النائب العام
النائب العام
avatar

ذكر عدد الرسائل : 309
العمر : 30
العمل/الترفيه : بعدبن هتعرفو
المزاج : متقلب
البلد :
  :
تاريخ التسجيل : 26/09/2008

مُساهمةموضوع: رد: الطالب قال هات الإمتحان وبلاش تلاعبني رد الأستاذ المادة طازة والحال عاجبني   الأربعاء نوفمبر 12, 2008 3:39 pm

هههههههههههههه

عندق حق والله

بس تصدق انا احب اغشش بس مش احب اغش

شكرااااااا لمرورك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دموع الاحزان
المراقب العام
المراقب العام
avatar

انثى عدد الرسائل : 445
العمر : 87
البلد :
مزاجى اليوم :
  :
تاريخ التسجيل : 22/08/2008

مُساهمةموضوع: رد: الطالب قال هات الإمتحان وبلاش تلاعبني رد الأستاذ المادة طازة والحال عاجبني   الجمعة نوفمبر 14, 2008 4:06 pm

موضوع حلو اوى يااسامة
مشكور
تسلم ايدك

_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسير الصمت
النائب العام
النائب العام
avatar

ذكر عدد الرسائل : 309
العمر : 30
العمل/الترفيه : بعدبن هتعرفو
المزاج : متقلب
البلد :
  :
تاريخ التسجيل : 26/09/2008

مُساهمةموضوع: رد: الطالب قال هات الإمتحان وبلاش تلاعبني رد الأستاذ المادة طازة والحال عاجبني   السبت نوفمبر 15, 2008 10:33 am

شكرا دموع لمرورك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الطالب قال هات الإمتحان وبلاش تلاعبني رد الأستاذ المادة طازة والحال عاجبني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
STARTNOW :: المنتدي العام :: فضفضة-
انتقل الى: