هتعمل/ى زى الافلام ولا..................هتواجه الواقع؟؟؟

السؤال ده بيحصل كل يوم فى كل بيت وكل مكان...
سؤال الافلام جاوبت عليه بطريقتها...لكن لو جالك السؤال ده فى الواقع...يا ترى هتعمل\ى ايه.

لو لقيتى الانسان اللى بتحلمى بيه وتتمنيه من وانتى صغيرة
الانسان اللى يحرك احاسيسك ومشاعرك وكل شى جميل جواكى
الانسان اللى تشوفى فيه طفولتك وشبابك ومستقبلك وكل ايامك
الانسان اللى يحبك انتى بس ويحترمك ويقدر مشاعرك وكل زرة حب جواكى

ويكون الانسان ده كمان هو فى نفس الوقت..انتى بالنسبة له كل حاجة..وانك الانسانة اللى حلم بيها واتمناها من طفولته
وقال ليكى من قلبه ومن صدق...انا بحبك...بحبك انتى بس ومش عايز من الدنيا اى حاجة الا انتى بس
انتى دنيتى اللى هعيش فيها..وليها..حبيبتى انا ليكى...ومش عايز اكتر من انك تقولى من قلبك انك ليا

واتعاهدتم طبعا على الحب فى الحياة وما بعد الحياة...وان مش هيفرقكم شى فى يوم الا الموت
وبعد كده جه الانسان ده عشان يتقدم ليكى عشان تكتمل الفرحة..والحياة اللى مش هتبقى حياة الا وانتم الاتنين مع بعض
ولانه ما يقدر يعيش لحظة واحدة وانتى مش معاه ....
لكن.....
الاهل رفضوه لاسباب تافهة...مثلا (الانسان احنا مش شايفينه لايق ليكى...دة مش من مستوانا...بكرة يجيلك احسن منه...دة قدامه كتير عشان يوصل للمستوى اللى نتمناه فى عريسك احنا غرضنا مصلحتك)

وطبعا الانسان دة لانه بيحبك اتقدم اكتر من مرة...وجه على كرامته فى حجات كتير عشان خاطرك
لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة البنت

لغاية ما قال ليكى فى يوم...حبيبتى...انا اتمنيتك انتى من الدنيا كلها...
وضحيت بحجات كتيرة وده لانى حبيتك انتى بس ومن قلبى .....واختارتك انتى عن الدنيا كلها
ودلوقتى جه وقت اختيارك...
اما انا.....أو أهلك
مش هقول ايه هو الرد الصحيح
بس هقول ايه هى الاجابة المنطقية يا ترى


يا ترى اى بنت فى الموقف دى هتقول ايه؟؟؟
ويا ترى راى الشباب فى الموضوع ده ايه برضه

بس انا عايز ردود واقعيه لو سمحت اتخيل او اتخيلى انك فالموقف وقولها هتعملى ايه بس واقع

--------------------



اشكرك فقد علمتني ...

دروسا قاسية

علمتني كيف أكرهك...

فاليوم أكره كل شيء ..يربطني بك

أكره طفولتي ...

و أكره براءتي ...

و اكره قلبي !

وها أنا أتكسر علي عتابات الماضي...

سأمحوك من ذاكرتي

و سأمزق حافظتي ...

و سأنسف كل شيء يخصك

و سأكسر قلمي ..الذي كتب اسمك

و اليوم أدركت منذ البدء

الحقيقه الوحيدة

أنك بلاقلب

ولست لي

شكرا على الموضوع الجميل دى
انا هختار اهلى لان رضا الاهل من رضا الرب
ولو مليش خير فى اهلى مليش خير فى حد
واكيد ربنا هيعوضنى
ودى وجهه نظرى
اختك نورالايمان