الــصـغــنـتـــــوتــــــه نــــور

[size=18]
بمنتهى البراءه سألتنى الصغنتوته نور
فى اربع خمس امور
قالتلى بابا يا بابا
مش انت يا بابا بتكتب اغانى وتقول اشعار
انا سمعت الشيخ يا بابا بيقول انك يا بابا هتروح النار
زى الناس الوحشين الحراميين الكفار
قوللى يا بابا يعنى ايه استعمار

يعنى ايه نيل يعنى ايه هرم
ومين اللى حط النسر ده فوق العلم

يعنى ايه يا بابا استفتاء
ويعنى ايه انتخاب
ويعنى ايه حر ويعنى ايه نصاب
وايه هو الاغتصاب

ويعنى ايه اختلاس
ويعنى ايه هجاص
ويعنى ايه خصخصة
وايه هو الدستور
يعنى ايه معارضه
ويعنى ايه مظاهرة
وليه النهارده
خدنا اجازة من المدرسة

قوللى يا بابا يعنى ايه قهر
وفين بيقع خط الفقر
ويعنى ايه حظ
ويعنى ايه زهر

يعنى ايه يا بابا حريه
يعنى ايه انسان
وايه هو السرطان

يعنى ايه يا بابا خربوها
ومين دول يا بابا ولاد القطقوطه
ومين دى سماره يابابا
وازاى يا بابا ضاعت من قلبك
وكنت فين لما خربوها يا بابا

بابا انت معايا
فيه يا بابا ناس بتقول كفايه
وفيه عساكر ماسكين عصايه
وبنات متعورين
وتانيين ماشيين
بيضحكوا يابابا
.. هما دول اسرائيليين

قولتلها نور
ممكن اسألك سؤال
قالتلى اتفضل يا بابا
قلتلها هيه قناة سبيس تون رقمها كام
واخدتها....
علشان تنام ............ .....

منقووووووووووووول
[/size]

والله يا بلال قصة جميلة وواقعية
واحنا بالصمت بتاعنا
بنفضل نتفرج علي سبيس تون
الا قولي هي رقمها كام

اللهم وحدنا علي قلب رجل واحد
مشكور يا بلبل

بجد الموضوع واضح وضوح النار ع العلم زى مابيتقال

ويارب عديها على خير

وعلى فكرة رقم سبيس تون

صفرين تلات تصفار صفر

هههههههههههههههههه

قصة جميله وكل كلامها صح
نور سالت عن حجات احنا عرفنها وبنرد عليها بصمتنا
احسن حاجة بنقدر نعملها اضراب او نتفرجج علي سبيس تون
ربنا يهدينا ويرحمنا برحمتة
مشكور ياسبايكي
شكرا

قصه جميله اوى وواقعيه بجد

تسلم ايدك اسبايكى

حقيقى مش لاقيا كلمات شكر اعبر بيها عن مدى اجابى

بهذه القصه

الا ان اقول بارك الله فيك

ولا تحرمنا من جديدك